மகா சிவராத்திரி புராணங்கள் சொல்லும் ரகசியம்?

மகா சிவராத்திரி என்பது சிவபெருமானுக்கான மிகப் புனிதமான இரவு. இந்த இரவில் சிவனை பக்தியுடன் நினைத்தாலே பல ஜென்ம பாவங்கள் நீங்கி, வாழ்க்கையில் அமைதி மற்றும் முன்னேற்றம் கிடைக்கும் என்று புராணங்கள் கூறுகின்றன.

புராணங்களில் சிவராத்திரி சிறப்பு:

சிவன் – பார்வதி திருக்கல்யாணம்:
இந்த புனித இரவில்தான் சிவபெருமான் பார்வதி தேவியை திருமணம் செய்தார் என்று நம்பப்படுகிறது. அதனால் திருமண தடை நீங்கவும், குடும்பத்தில் சந்தோஷம் பெருகவும் இந்த நாளில் வழிபடுவது சிறப்பு.

லிங்கோத்பவம்:
பிரம்மா மற்றும் விஷ்ணு யார் பெரியவர் என்று வாதித்தபோது, முடிவும் தொடக்கமும் இல்லாத அகண்ட ஜோதி வடிவில் சிவன் தோன்றிய இரவாக சிவராத்திரி கருதப்படுகிறது. இது சிவனின் அளவற்ற சக்தியை உணர்த்துகிறது.

விரதத்தின் மகிமை:
ஒரு வேட்டைக்காரன் அறியாமலே இரவு முழுவதும் விழித்திருந்து வில்வ இலைகளை சிவலிங்கத்தின் மீது விழச் செய்ததால் அவனுக்கு மோட்சம் கிடைத்ததாக புராணம் கூறுகிறது.

அதனால் இந்த இரவில் விழித்திருந்து சிவ நாமம் சொல்லுவது மிகப் பெரிய புண்ணியம்.
சிவராத்திரி அன்னிக்கு சொல்ல வேண்டிய சக்தி மந்திரங்கள்:
“ஓம் நம சிவாய”
பஞ்சாட்சர மந்திரமாகக் கருதப்படும் இந்த மந்திரம் மிகவும் சக்திவாய்ந்தது.

108 முறை ஜெபித்தால் மன அமைதி, பயம் நீக்கம், நல்ல அதிர்ஷ்டம் கிடைக்கும் என்று நம்பப்படுகிறது.

மஹா மிருத்யுஞ்ஜய மந்திரம்:
“ஓம் த்ரயம்பகம் யஜாமஹே
சுகந்திம் புஷ்டிவர்தனம்
உர்வாருகமிவ பந்தனான்
ம்ரித்யோர் முக்ஷிய மாம்ருதாத்”

ஆயுள், ஆரோக்கியம், பாதுகாப்பு வேண்டி இந்த மந்திரத்தை ஜெபிக்கலாம்.

இந்த இரவில் செய்ய வேண்டியவை:

நோன்பிருந்து சிவனை வழிபடுங்கள்

பால், தேன், தண்ணீர் கொண்டு அபிஷேகம் செய்யுங்கள்

வில்வ இலை சமர்ப்பியுங்கள்

இரவு முழுவதும் விழித்திருந்து “ஓம் நம சிவாய” ஜெபியுங்கள்

வருடத்தில் ஒரே ஒரு இரவு… ஆனால் வாழ்க்கையை மாற்றும் சக்தி கொண்ட இரவு – மகா சிவராத்திரி!

இன்று குறைந்தது “ஓம் நம சிவாய” 108 முறை சொல்லி பாருங்கள்… சிவபெருமான் உங்கள் வாழ்க்கையை ஆனந்தம், ஆரோக்கியம், செல்வம் நிறைந்ததாக மாற்றுவாராக!