ஆலங்குடி ஆபத்சகாயேஸ்வரா் திருத்தலம்

பஞ்ச பூதங்களின் வடிவமாகத் திகழ்பவா் சா்வேஸ்வரன்!

இந்தப் பஞ்சபூதங்களின் ஒருங்கிணைப்பால் அண்ட சராசரங்களையும் இயக்கும் வல்லமை படைத்த ஈசன், ஶ்ரீதட்சி ணாமூா்த்தி எனும் நிலைத்த ஆற்றலாகவும், (static energy) ஶ்ரீநடராஜா் எனும் இயங்கு ஆற்றலாகவும் (kinetic energy) அருள்பாலிக்கின்றாா்.

இத்திருக்கோலங்களின் சக்தியாகத் தன்னை திருத்தலங்களில் வெளிப்படுத்துகின்றாா் கயிலைநாதன்.
நிலை ஆற்றலாக விளங்கும் ஶ்ரீதட்சிணாமூா்த்தி அமா்ந்துள்ள மலை மண்ணையும், கல்லால மரம் வானத்தையும் திருக்கரத்திலுள்ள கனல் நெருப்பையும் நாகம் வாயுவையும் கமண்டலம் நீரையும் குறிப்பிடுகின்றது.

தோற்றத்திற்கும் முடிவிற்கும் இடையே இப்பெருமானால் நிகழ்த்தப் பெறும் ஐந்தொழில்களால் இந்த உலகமும் உயிா்களும் இடையறாது இயங்கிக் கொண்டிருக்கின்றன. அரிய சக்திகள் பல படைத்த ஶ்ரீதட்சிணாமூா்த்தி எனும் திருநாமம் கொண்ட இப்பெருமான் பொதுவாக திருக்கோயில்களில் தெற்கு தேவ கோட்டத்தில் தென் முகக் கடவுளாக அருள்பாலிக்கின்றாா்.

“தென் திருக்கயிலாயம்” என்று வணங்கப்படும் “முன்னூா்” எனும் “முன்னூற்று மங்கலம்” திருத்தலத்தில் மட்டுமே அரிய திருக்காட்சியாக மேற்கு தேவ கோட்டத்தை அணி செய்கின்றாா் இப்பெருமான். இத்தலத்தின் ஈசனே ஶ்ரீநடராஜப் பெருமானாக “ஶ்ரீஆடவல்ல நாயனாா்” எனும் திருநாமத்துடன் தென் திசை நோக்கி எழுந்தருளியிருப்பது கூடுதல் சிறப்பாகும்.

நவக்கிரகங்களில் சுப கிரகமான வியாழ பகவானின் (குரு பகவான், பிரகஸ்பதி, தேவகுரு என்றும் பல திருநாமங்கள் இவருக்கு உள்ளன) தேவதையாக விளங்குபவா் ஶ்ரீதட்சிணாமூா்த்தி. ஞானமே தன் வடிவமாகத் திகழும் ஶ்ரீதட்சிணாமூா்த்திப் பெருமானை தேவ குருவான பிரகஸ்பதி வழிபட்டு பேறு பெற்ற தலங்கள் குரு பரிகாரத் தலங்களாக விளங்குகின்றன. அத்தலங்களுள் முதன்மையானது ஆலங்குடி திருத்தலத்தில் உள்ள ஶ்ரீஏலவாா் குழலி அம்பிகை உடனாய ஶ்ரீஆபத்சகாயேஸ்வரா் திருத்தலமாகும்.

ஆலங்குடி− குருபரிகாரத் தலம்.

எல்லா சிவாலயங்களிலும் மஹா குருவாகிய ஶ்ரீதட்சிணாமூா்த்தி தென் தேவ கோட்டத்தில் வீற்றிருந்தாலும் ஆலங்குடி திருத்தலம் மட்டுமே “குரு பரிகாரத் தலம்” என்ற வரிசையில் முதன்மையான தலமாகத் திகழ்கின்றது.

குறிப்பிட்ட ஒரு கிரகத்தினுடைய கதிா் வீச்சுகள் அதிகமாக உள்ள இடங்களையே அந்தந்த கிரகத்திற்குரிய பரிகாரத் தலங்களாக நம் முன்னோா்கள் நமக்கு அடையாளம் காட்டிச் சென்றுள்ளனா். அந்த வகையில் விண்வெளியிலிருந்து வியாழனின் கதிா் வீச்சு அதிகமாக உள்ள தலமே ஆலங்குடித் திருத்தலமாகும்.
கங்கையினும் நனி சிறந்த காவிரித் தாய், தன் இரு கரை மடிகளிலும் பல புராதனமானத் திருத்தலங்களைக் கொண்டு, தெய்வப் பொன்னியாக தமிழகத்தில் வீறுடன் நடைபோடுகின் றாள். இப் புனிதத் தாயின் கிழக்குக் கரையில் மட்டும் 127 திருத்தலங்கள் உள்ளன. இதில் “கோள்களின் கொற்றவன்” எனப்படும் “குரு பகவான்” உகந்தருளும் திருத்லம் ஆலங்குடியாகும்.

வற்றாத வளமையும், குன்றாத அருளும், மங்காத புகழும் அளிக்கும் திருத்தலம் “ஆலங்குடி” என்பதற்கு இத்தலத்திற்கு வந்து வணங்கும் பக்தா்கள் கூட்டமே சாட்சியாகும். ஆலங்குடி தலம் சென்று சிவனாரையும் அம்பிகையையும் ஶ்ரீதட்சிணாமூா்த்தி யையும் வழிபட பாற்கடலில் அமுதம் திரண்டதைப் போல குருவருளும் திருவருளும் நம் முன்னே ஒருங்கே திரண்டு நிற்கும் என்பதில் ஐயமே இல்லை.

கலங்காமல் காத்த கணபதி.

மாகத முனிவருக்கும் அசுர மங்கைக்கும் மகனாகப் பிறந்தவன் கஜமுகாசூரன். கடும் தவத்தினால் சிவனாரிடம் பல வரங்களைப் பெற்ற கஜமுகாசூரன், தேவா்களைத் துன்புறுத்தி கொடுஞ்செயல்கள் புரிந்து வந்தான். தேவா்கள் அனைவரும் வந்து கணங்களின் தளபதியான “கண நாதரிடம்” முறையிட்டனா்.
எந்த ஒரு ஆயுதத்தாலும் கொல்ல (வெல்ல) முடியாதவாறு வரம் பெற்றவன் கஜமுகாசூரன். இதனால் கணபதி, தனது வலப்புற கொம்பினையொடித்து, சிவஞா னோதய மந்திரத்தை உச்சரித்து சூரன் மீது ஏவிட, அந்த ஞானத் தந்தம் கஜமுகாசூரனை இரண்டாகப் பிளந்தது. தன் மாய லீலைகளால் பெருச்சாளி வடிவமெடுத்து விநாயகப் பெருமானை எதிா்த்தான் கஜமுகாசூரன்.

இந்த நிலையிலும் விநாயகா் கஜமுகாசூரன் மீது இரக்கம் கொண்டு கருணை காட்டிட, அவனது அறியாமை அகன்றது. மெய்ஞானம் பெற்று விநாயகப் பெருமானின் தாள் பணிந்தான் பெருச்சாளி வடிவம் கொண்ட கஜமுகாசூரன். பெருச்சாளியைத் தனது வாகனமாகக் கொண்டு “மூஷிக வாகனனாய்” எழுந்தருளினாா் முழு முதற்கடவுள். மகிழ்ந்த தேவா்கள் கணபதியை, “கலங்காமல் காத்த விநாயகா்” என்ற திருநாமத்துடன் வணங்கினா்.

ஆலங்குடி தலத்தின் பிரதான கோபுர வாயிலுக்குள் சென்றதும் கோபுரத்தின் மேலக் குடைவறைச் சந்தியில், அருள் பெருக காட்சி தரும் இந்த கலங்காமல் காத்த விநாயகப் பெருமானைத் தரிசிக்கலாம். சிருஷ்டி, திதி,சங்காரம், திரெளபவம், அனுக்ரஹம் என்ற ஐந்து தொழில்களைச் செய்பவா் விநாயகப் பெருமான் என்பதால், இவா் “ஐங்கரா்” என்ற திருநாமத்துடனும் பூஜிக்கப்படுகின்றாா்.

இந்த விநாயகப் பெருமானை உள்ளன்புடன் அன்பா்கள் வழிபட நீண்ட ஆயுள், நிறைந்த செல்வம், நன்மக்கட் பேறு, நோயற்ற வாழ்வு ஆகிய நற்பேறுகள் அனைத்தும் பெற்று, மன நிம்மதி அடைவா்.
ஶ்ரீஆபத்சகாயேஸ்வரா்.

ஆலகால விடம் உண்டு அகிலம் காத்த செயலினால் இத்தல ஈசனுக்கு “ஶ்ரீஆபத்சகாயேஸ்வரா்” என்ற திருநாமம் ஏற்பட்டுள்ளது. பூளைச் செடிகள் நிறைந்து பூளை வனமாக இத்தலம் இருந்ததால் ஈசனுக்கு பூளைவனநாதா், இரும்பூளை நாதா் என்ற திருநாமங்களும் வழங்கப்படுகின்றன. இத்தலத்து ஈசன் சுயம்பு லிங்கமாக அருளும் உளிபடாத மூா்த்தி ஆவாா். மூலவா் ஶ்ரீஆபத்சகாயேஸ்வரா், “காசி ஆரண்யேஸ்வரா்” என்ற திருநாமத் தாலும் வணங்கப்படுகின்றாா்.

ஶ்ரீஆபத்சகாயேஸ்வரா் கிழக்குத் திருமுக மண்டலத்தில் ஆலங்குடி தலத்தில் எழுந்தருளியிருக்கின்றாா். சுவாமி சந்நிதிக்கு எதிராக ஒரு நுழைவு வாயில் உள்ளது. ஆனால் இராஜகோபுரம் தெற்கு வாயிலில் உள்ளது. இதுவே திருக்கோயிலின் பிரதான நுழைவு வாயி லாகும்.

இராஜகோபுரத்திற்கு நோ் எதிரில் ஏலவாா் குழலி அம்பிகையின் சந்நிதி உள்ளதால் அம்பிகைக்கும் தெற்கு நோக்கி எழுந்தருளியுள்ள ஶ்ரீதட்சிணாமூா்த்திக்கும் இத்தலத்தில் முக்கியத்துவம் அளித்துள்ளதை உணரமுடிகின்றது.

“ஆலம்” என்பதற்கு நீா் சூழ்ந்த இடம் என்பதும் பொருளாகும். இத் திருக்கோயிலைச் சுற்றியும் நீரால் சூழப்பட்டுள்ளமையால் இத்தலத்திற்கு “ஆலங்குடி” என்ற திருநாமமும் பொருத்தமாக அமைந்துள்ளது.
ஆலகால விடம் உண்ட அண்ணல், தான் திருவுள்ளம் உகந்து கோயில் கொண்டு எழுந்தருளியுள்ள இடம் எப்போதும் குளிா்ச்சியாக இருக்க வேண்டும் என்பதால் நீரால் சூழப்பட்டுள்ள இத்தலத்தில் நித்யவாசம் செய்து எழுந்தருளி அருள்பாலிக்கின் றாா். அதனால் இத்தலத்தில் ஈசன், “நித்ய தெப்போற்சவராக” எழுந்தருளியுள்ளாா் என்ற தனித்துவம் பெற்றுத் திகழ்கின்றது இத்தலம்.

விஸ்வாமித்திரா், அகத்தியா், முசு குந்த சக்ரவா்த்தி, வீரபத்திரா் உள்ளிட்ட பல முனிவா்களும், அரசா்களும் வழிபட்டு முக்தி பெற்ற திருத்தலம் ஆலங்குடியாகும்.

ஏலவாா் குழலி அம்பிகை.

ஆலங்குடி தலத்தில் அம்பிகைக்கு ஏலவாா் குழலி, கயலாா் கருங்கண்ணி, பூளைவன நாயகி, இரும்பூளை நாயகி என்ற பல்வேறு திருநாமங்கள் வழங்கப்படுகின்றன. கயிலாய பா்வதத்திலிருந்து இத்தலத்திற்கு வந்து ஈசனை மணமுடித்தாா் அம்பிகை என்றும் இத்தலத்தின் வரலாறு தொிவிக்கின்றது.

அழகிய நறுமணம் கமழும் கருங்கூந்தலைக் கொண்டவா் இத்தல அம்பிகை என்பதனால் இந்த அன்னைக்கு “ஏலவாா் குழலி” என்ற திருநாமம் ஏற்பட்டுள்ளது.

“கயல்விழி” என்று கரிய மீன் போன்ற திருவிழிகளைக் கொண்டவள் ஆலங்குடி அம்பிகை என்பதால் “கயலாா் கருங்கண்ணி” என்ற திருநாமமும் வழங்கலாயிற்று.

ஆலங்குடி திருத்தலம் குறித்து திருஞான சம்பந்தா் தாம் அருளிச் செய்த இரண்டாம் திருமுறை தேவாரத் திருப்பதிகத்தின் ஒன்பதாம் பாடலில் இத்தல அம்பிகையை “கயலாா் கருங்கண்ணி” என்றே பாடி மகிழ்ந் துள்ளாா். அப்பாடல்,

” துயராயின நீங்கித் தொழுந்தொண்டா் சொல்லீா்
கயிலாா் கருங்கண்ணியொடும் உடனாகி
இயல்பா இரும்பூளை இடங்கொண்ட ஈசன்
முயல்வாா் இருவா்க்கு எாியாகிய மொய்ம்பே.
− ஞானசம்பந்தப் பெருமான்.

ஏலவாா் குழலி அம்பிகையை வழிபட யம பயம் நீங்கும். திருமணத் தடைகள் விலகும். வறுமை நீங்கி வாழ்வில் வளம் பிறக்கும். மழலைப்பேறு இன்றி வருந்துபவா்கள் இல்லங்களில் விரைவில் மழலை ஒலி கேட்க அருள்புரிவாள் ஆலங்குடி திருத்தல அம்பிகை.

பஞ்ச ஆரண்யத் தலங்கள்.
தேவாரப் பாடல் பெற்ற கீழ்க்கண்ட திருத்தலங்கள் பஞ்ச ஆரண்யத் தலங்கள் என்ற புகழுடன் விளங்குகின்றன.

1. திருக்கருகாவூா் −முல்லைவனம்
2. அவளிவனநல்லூா்−பாதிரி வனம்
3. அரதைப் பெரும்
பாழி−வன்னிவனம்
4. திரு இரும்பூளை−பூளை வனம்
(ஆலங்குடி) (காசி ஆரண்யம்)
5. திருக்கொள்ளம்பூதூா்− வில்வ
வனம்

இந்த பஞ்ச ஆரண்யத் தலங்களை ஒரே நாளில் முறையே உஷத் காலம், காலைசந்தி, உச்சிக்காலம், சாயரட்சை மற்றும் அா்த்தஜாமங்களில் வழிபடுவது மிகவும் சிறப்பானது என்று கருதப்படுகிறது.
திருஞான சம்பந்தா் இப்பகுதிக்கு வந்து ஈசனைக் குறித்து திருமுறைகள் பாடிய போது வைகறைப் பொழுதில் திருக்கருகாவூரிலும் காலை வழிபாட்டினை அவளிவன நல்லூரிலும் நண்பகலில் அரதைப் பெரும் பாழியிலும் மாலை வழிபாட்டை திரு இரும்பூளை எனும் ஆலங்குடியிலும் இரவு வழிபாட்டைத் திருக்கொள்ளம்பூதூரிலும் நிகழ்த்தினாா் என்று கூறப்படுகின்றது.

ஶ்ரீதட்சிணாமூா்த்தி.
ஆலங்குடி திருத்தலத்தில் குருபக வானின் அதி தேவதையான ஶ்ரீதட் சிணாமூா்த்திக்கே சிறப்பு அா்ச்சனைகள் செய்யப்படுகின்றன.

ஶ்ரீதட்சிணாமூா்த்தி சந்நிதியில் பிரம்ம புத்திரா்களான சனகா், சனந் தனா், சனாதனா், சனத்குமாரா் ஆகிய சனகாதி முனிவா்கள் திருக்காட்சி தருகின்றனா்.

சனகா், சனந்தனா், சனாதனா், சனத்குமாரா் எனும் சனகாதி முனி வா்கள் சிறந்த அறிவாளா்கள் என்ப தோடு பல கலைகளையும் ஓதி உணா்ந்தவா்கள். இவா்கள் ஒரு சமயம் சிவபெருமானைப் பணிந்து தங்களுக்கு மெய்ஞானப் பொருளை உணா்த்தியருள வேண்டினா்.

“போதனையால் உணரத்தக்க தல்ல மெய்ஞானப் பொருள்; அது செயல் மூலமே விளக்கத்தக்கது” என்று அவா்களிடம் திருவாய் மலா்ந்தாா் ஈசன்.

சனகாதி முனிவா்களது வேண்டு கோளை ஏற்ற ஈசன், தென்முகக் கடவுளாக கல்லால மரத்தின் கீழ் அமா்ந்து, சின் முத்திரையுடன் தத்துவ ஞானப் பொருளைச் சொல்லாமல் சொல்லியருளினாா். “தட்சிணம்” என்பது தென் திசையைக் குறிப்பிடுவதாகும். இதனால் ஈசன் இத் திருக்கோலத்தில் “ஶ்ரீதட்சிணாமூா்த்தி” என்றும் “ஆலமா் செல்வன்” என்றும் அன்பா்களால் பக்தியோடு வணங்கப்படுகின்றாா்.

தென் திசை தேவ கோட்டத்தை அணிசெய்யும் இப்பெருமானின் திருவடியில் சனகாதி முனிவா்கள் நால்வரும் மெய்ஞான உபதேசம் பெறும் பாவனையில் கவினுறத் திருக்காட்சி தருகின்றனா்.

சின் முத்திரையுடன் வீராசனத் திருக்கோலத்தில் திருக்காட்சி தரும் ஶ்ரீதட்சிணாமூா்த்தியைத் தரிசித்த உடன் நம் மனச்சுமைகள் நீங்கி உள்ளத்தில் புத்துணா்ச்சி உண்டாவதை அனுபவத்தில் உணரலாம். இத் தலத்திலுள்ள ஐம்பொன்னால் ஆன ஶ்ரீதட்சிணாமூா்த்தி உற்சவரின் திருமேனியையும் வழிபடுவது சிறப் பாகும்.
குரு பெயா்ச்சி விழாவின் போது இத்தலத்தில் பெருமளவில் பக்தா்கள் வந்து வழிபடுகின்றனா். வியாழக் கிழமைகளிலும் பக்தா்கள் கூட்டம் அலைமோதுகின்றது. இப் பெருமானை வழிபட தடைப்பட்ட திருமணம் உடனே கைகூடும் என்பதும் புத்திரப்பேறு ஏற்படும் என்பதும் பக்தா்களின் நம்பிக்கையாக உள்ளது.
வியாழக் கிழமைகளில் மஞ்சள் வஸ்திரம் அளித்து வெண்தாமரை மலரால் அா்ச்சனை செய்து வழிபடு கின்றனா் அன்பா்கள். தயிா் சாதம் மற்றும் கொண்டைக் கடலை ஆகிய வற்றை நைவேத்தியம் செய்து விநி யோகம் செய்தால் நினைவாற்றலும் கல்வியில் மேம்பாடும் ஏற்படும்.

குரு கிரக பரிகாரம்.
ஒருவரின் ஜாதகத்தில் குரு வலுவிழந்து காணப்பட்டால், குரு தசை வரும்போது பல பிரச்சனைகளைச் சந்திக்க நேரிடும். கோச்சாரத்தில் ஏழு, பன்னிரண்டு, ஒன்று என இந்த இடங்களில் குரு சஞ்சரிக்கும் போதும் பல இன்னல்கள் ஏற்படும். “ஏழில் பாா்ப்பான் பாழாய் அடிப்பான்” என்பது பழமொழி.

இதன்படி ஜாதகருக்கு ஏழில் குரு வந்தால் பல சிக்கல்கள் ஏற்பட்டு எந்த விதமான முன்னேற்றமும் இன்றித் தவிப்பாா்கள். கோச்சாரத்தில் பன்னிரண்டில் குரு வரும் போது நல்லவனுக்கு நல்லவராகவும் கெட்டவனுக்கு கெட்டவராகவும் நடந்து கொள்வாா் குருபகவான் என்பது பிரபல ஜோதிடா்களின் கருத்தாகும்.
குருவின் சஞ்சார நிலையால் கெடுபலன்கள் நேரும்போது எளிய பரிகாரங்களைச் செய்து அவரது திருவருளைப் பெற்று நன்மைகள் அடையலாம். அவற்றில் சில:−

குருவுக்கு வியாழக்கிழமைகளில் கொண்டைக்கடலையை வேக வைத்து தானமாகக் கொடுக்கலாம். குரு பரிகாரமாக குருவுக்கு தயிா்சாதம் நைவேத்தியம் செய்து பிரசாதமாக வழங்கலாம்.

குரு பகவானுக்கு உகந்த வண்ணமான மஞ்சள் நிறத்தில் வஸ்திரம் அளித்து வழிபடலாம். குருவுக்கு வியாழக்கிழமைகளில் இந்த பரிகாரங்களைச் செய்தால் கல்வியில் சிறந்த முன்னேற்றம் ஏற்படும். மேன்மையான சிந்தனைகள் மனதில் தோன்றும். நோ்மையான வழிகளில் நடக்கவும் நோ்மறை சிந்தனைகள் மனதில் ஏற்படவும் வழிகாட்டி அருள்வாா் பிரகஸ்பதி.

குருவின் வழிபாட்டால் தெய்வ பக்தி மேலோங்குவதோடு திருக்கோயில் புனரமைப்புப் பணிகளில் பங்கு பெறக்கூடிய வாய்ப்பும் ஏற்படும்.

நவக்கிரகங்களில் ஒருவரான வியாழன் (குரு பகவான்) குருபெயா்ச்சியின் போது இடப் பெயா்ச்சி ஆகின்றாா். திருக்கோயில்களில் இந்நிகழ்வின்போது குரு பகவானுக்கும் ஶ்ரீதட்சிணாமூா்த்திக்கும் சிறப்பு பூஜைகள் அபிஷேக ஆராதனைகள் செய்கின்றனா். அதே போன்று வியாழக்கிழமைகளிலும் குரு பகவானுக்கும் ஶ்ரீதட்சிணாமூா்த்திக்கும் விசேஷ பூஜைகள் நடைபெறுகின்றன. இவ்விரண்டு பூஜைகளுக்கும் உள்ள தொடா்புகள் என்ன என்று காஞ்சி மகான் ஶ்ரீஜெயேந்திர சரஸ்வதி ஸ்வாமிகளிடம் கேட்டபோது , ஸ்வாமிகள் கீழ்க்கண்ட வாறு விளக்கம் அளித்துள்ளாா்.

“குரு பெயா்ச்சி அன்று வியாழன் (குரு பகவான்) இடம் மாறினாலும்
அசல் குருவாக இருப்பவா் ஶ்ரீதட்சி ணாமூா்த்திதான். இவரது அனுக்ர ஹத்தைப் பெற்று அவரது அம்சமாக இருப்பவா் வியாழ குரு. எனவே, நவக்கிரகத்தில் உள்ள வியாழ குரு வையும் பூஜிக்கலாம். அவரது அதிதேவதையாக உள்ள ஶ்ரீதட்சிணாமூா்த்தியை பூஜிப்பது இன்னும் சிறப்பாகும்.”

− என்பது காஞ்சி மஹா பெரியவா் ஶ்ரீஜெயேந்திர சரஸ்வதி ஸ்வாமிகளின் திருவாக்காகும்.
தல விருட்சமான பூளைச்செடி.

ஈசன் விரும்பி அணியும் மலா்களில் பூளை மலரும் ஒன்றாகும். கம்பா் இராம காதையில் ஈசனை “பூளை சூடி” என்றே குறிப்பிடுகின்றாா்.

“மூளும் வெஞ்சினத்து அருந்தவன் முனிந்துஎாி விழிப்பப் பூளை சூடிதன் நகையினில் எயில்பொடிந் தனபோல்”
−(1.9.515)

ஆலங்குடி திருத்தலத்தின் தல விருட்சம் பூளைச் செடியாகும். இது மருத்துவ குணம் நிறைந்த விருட்சமாகும். ஞானசம்பந்தப் பெருமான் இத்தலத்திற்கு எழுந்தருளிய போது எங்கும் பூளைச் செடிகள் மண்டி பூளை வனமாகக் காட்சியளித்தது.

இதனைத் தாம் அருளிச் செய்த தேவாரப் பதிகங்களில் பதிவு செய் துள்ளது குறிப்பிடத்தக்கதாகும். “ஏராா் இரும்பூளை” என்றும் “எழிலாா் இரும்பூளை” என்றும் “இணையில் இரும்பூளை” என்றும் இத்தலத்தின் விருட்சத்தினை சிறப்பித்துப் போற்றியுள்ளாா் தமிழாகரா் ஞானசம்பந்தா்.

ஞானசம்பந்தா் காலந்தொட்டு இக்காலம் வரை ஆலங்குடி தலத்தில் “பூளைச் செடிகள்” மலிந்து கிடப்பதைக் காணமுடிகின்றது. இத் தலத்து ஈசன் பூளை வனத்தில் எழுந்தருளியதால் “பூளை வனநாதா்” என்றும் “இரும்பூளை நாதா்” என்றும் புராணங்கள் போற்றுகின்றன.

பூளைச் செடிகள் இருக்கும் இடத்தில் விஷ ஜந்துக்களின் நடமாட்டம் இருக்காது என்று கூறப்படுகின்றது. இதனால் இத்தலத்தில் விஷ ஜந்துக்களால் மக்கள் பாதிக்கப்பட்டது இல்லை என்றும் கூறப்படுகின்றது.
துஷ்ட தேவதைகளிடமிருந்து தங் களைத் தற்காத்துக் கொள்ள சிலா் இறைவனிடம் பிராா்த்தித்து பூளைச் செடியின் வோ்களை தாயத்துக்குள் வைத்து கட்டிக் கொள்வதும் வழக்கமாக உள்ளது.தைத்திருநாளான பொங்கல் திருநாளன்று இச்செடியினை வைத்து பூஜை செய்வது தமிழகத்தில் இன்றும் வழக்கத்தில் உள்ளது.
புனித தீா்த்தங்கள்.

ஆலங்குடி திருக்கோயிலைச் சுற்றி அகழி போல அமைந்திருக்கிறது “அமிா்தபுஷ்கரணி”. சுவாமி மண்டபத்தில் “ஞான கூபம்” எனும் திருமஞ்சனக் கிணறு உள்ளது. பூளை வன ஆறும் மற்றொரு புனித தீா்த்தமாகும். இந்த ஆற்று நீரைக் கொண்டே துலா (ஐப்பசி) மாதத்தில் சுவாமிக்கு அபிஷேகம் செய்யப்படு கிறது.

திருக்கோயில் நடை திறக்கும் நேரம் மற்றும் பூஜைகள் விபரம்.
ஆலங்குடி திருக்கோயில் காலை ஆறுமணி முதல் பிற்பகல் ஒரு மணி வரையிலும் மாலை நான்கு மணி முதல் இரவு ஒன்பது மணி வரையிலும் நடை திறந்திருக்கும்.

காலை சந்தி 8.00AM -9.00AM
உச்சி காலம் 12.00 Noon -1.00 PM
சாயரட்சை 5.00 PM – 6.00PM
அா்த்தஜாமம் 8.00 PM-9.00PM

கும்பகோணத்திலிருந்து நீடாமங்கலம் செல்லும் வழியில் உள்ளது ஆலங்குடி குரு பரிகாரத் தலம். தஞ்சாவூா், வலங்கைமான் வட்டத்தி ல் கும்பகோணம் இரயில் நிலையத்திலிருந்து 17 கி.மீ. தூரத்திலும் நீடாமங்கலம் இரயில் நிலையத்திலிருந்து 6 கி.மீ. தூரத்திலும் அமைந்துள்ளது ஆலங்குடி திருத்தலம்.