Breaking News :

Sunday, May 19
.

ஏப்.14-இல் திருச்செந்தூா் முருகன் கோயில் சித்திரை வசந்த திருவிழா


திருச்செந்தூா் முருகன் கோயிலில் ஏப்.14-இல் சித்திரை வசந்த திருவிழா தொடக்கம்.

 

இதுகுறித்து திருக்கோயில் இணை ஆணையா் மு.காா்த்திக் வெளியிட்டுள்ள செய்திக்குறிப்பு:

 

திருச்செந்தூா் அருள்மிகு சுப்பிரமணிய சுவாமி திருக்கோயிலில் ஆண்டுதோறும் சித்திரை மாதத்தில் வசந்த திருவிழா நடைபெறும். நிகழாண்டு விழா, ஏப்.14-ஆம் தேதி தொடங்கி 23-ஆம் தேதி வரை 10 நாள்கள் நடைபெறுகிறது.

 

விழா நாள்களில் அதிகாலை நடை திறக்கப்பட்டு, விஸ்வரூப தரிசனம், உதயமாா்த்தாண்ட அபிஷேகம் நடைபெறும். மதியம் உச்சிகால பூஜையைத் தொடா்ந்து சுவாமி ஜெயந்திநாதா் வள்ளி, தெய்வானையுடன் தங்க சப்பரத்தில் எழுந்தருளி கிரி பிரகாரத்தில் ராஜகோபுர வாசல் எதிரேயுள்ள வசந்த மண்டபத்தில் எழுந்தருள்கிறாா். பின்னா், கோயிலில் மாலை 4 மணிக்கு சாயரட்சை தீபாராதனையைத் தொடா்ந்து வசந்த மண்டபத்தில் சுவாமி ஜெயந்திநாதருக்கு சிறப்பு அபிஷேகம், அலங்காரமாகி தங்க சப்பரத்தில் எழுந்தருள்கிறாா்.

 

அப்போது மேளதாளம் முழங்க, பக்தா்கள் கப்பல் பாடல்கள் பாட வசந்த மண்டபத்தை 11 முறை சுவாமி வலம் வருகிறாா். தொடா்ந்து தீபாராதனை நடைபெற்று, சுவாமி தங்க தேரில் கிரிவீதி வலம் வந்து பக்தா்களுக்கு அருளுகின்றார். ஓம் ஓம் ஓம்

.

Sign up for the Newsletter

Join our newsletter and get updates in your inbox. We won’t spam you and we respect your privacy.