இந்தியா பாகிஸ்தானுக்கு இடையிலான பதட்டம் உச்சகட்டத்தை நெருங்கியது . சோவியத் யூனியன், "இந்தியாவுடான போர் பாகிஸ்தானுக்கு நல்லதில்லை" என்று பாகிஸ்தானை கூப்பிட்டு எச்சரிக்குது. ஆனா அந்த காலகட்டத்துல, பல வலிமையான மேற்கத்திய நாடுகளோட சப்போர்ட், பாகிஸ்தானுக்கு இருந்தது. சோவியத் யூனியனும், 'இது இரு அண்டை நாடுகளோட பிரச்சனை. இது முடிவுக்கு வரணும்ன்ற அளவுக்கே அதை பார்த்தது.

ஆனால் டிசம்பர் 3-ம் தேதி அன்று மாலை , இந்தியா எதிர்பார்க்காத நேரத்தில், பாகிஸ்தான்... திடீரென ஆக்ரா தளம் உட்பட 11 இந்திய விமானப்படை தளங்கள் மேல், கடுமையான தாக்குதல நடத்தி முடித்தது. உடனடியாக பிரதமர் இந்திரா காந்தி, "பாகிஸ்தானுடன் போர் ஆரம்பம்" ன்ற செய்தியை, நாட்டு மக்களுக்கு ரேடியோவில் அறிவித்தார்.

இந்தியாவினுடைய  முப்படைகளும் பாகிஸ்தான சூழ்ந்து, மிகப்பெரிய தாக்குதல்கள ஆரம்பிச்சது. டிசம்பர் 4-ம் தேதி ராத்திரி... இந்திய கடற்படை, கராச்சி துறைமுகத்தை சின்னா பின்னமாக சிதறடிச்சுட்டு, இந்திய எல்லைக்குள்ள வந்துடுச்சு. இதில் கொடுமை என்னன்னா... கராச்சி துறைமுகத்த காப்பாத்த வந்த பாக் போர்விமானங்கள்... துறைமுகத்தில் நிற்கிறது.  தங்களோட போர் கப்பல்னுகூட தெரியாம, PNS ஜுல்பிஹர் ன்ற தங்களோட ராணுவ கப்பலையே தாக்கி அழிச்சிடுச்சு.

திடீரென்று, நிறைய மேற்கத்திய நாடுகள் பாகிஸ்தானுக்கு ஆதரவா களமிறங்க... அதுவரைக்கும் இந்தியாவின்  கைக்குள் இருந்த போர்களம், கையவிட்டு நழுவ ஆரம்பித்தது. ஆரம்பத்தில் இருந்தே அமெரிக்கா பாகிஸ்தானுக்கு ஆதரவாக இருந்தது. அமெரிக்க அதிபர் நிக்ஸன்... ஜோர்டான், ஈரான், பிரான்ஸ், துருக்கி நாடுகளோட போர் விமானங்களை, பாகிஸ்தானில்  நிறுத்தி வைக்க சொல்லி உத்தரவிட்டார். மேலும்... அமெரிக்க கடற்படையின் 'செவன்த் ப்ளீட்'ன்ற பிரிவ, (இந்த 'செவன்த் ப்ளீட்'ன்றது... 70 போர் கப்பல்கள், 300 போர் விமானங்கள், 40 ஆயிரம் வீரர்களை கொண்ட.... அமெரிக்க கடற்படையோட மிகப்பெரிய பிரிவு) பிரிட்டனோட கடற்படையோட சேர்ந்து, இந்திய நகரங்கள தாக்குறதுக்காக வங்காள விரிகுடாவுக்கு அனுப்பி வைத்தார் . மேலும்... தேவைப்பட்டால் பாகிஸ்தானுக்கு உதவச்சொல்லி, சீனாவையும் கூப்பிட்டார்.

அதோட விடவில்லை ...

USS Enterprise என்கிற மிகப்பெரிய விமானம் தாங்கி கப்பலையும், வங்காள விரிகுடாவுக்கு அனுப்பிட்டார். அந்த கப்பலோட சேர்ந்து, பிரிட்டனோட HMS Eagle-ன்ற மிகப்பெரிய போர் கப்பலும், பாகிஸ்தானுக்கு உதவி செய்ய, இந்தியாவோட கிழக்கு எல்லையான வங்காள விரிகுடாவுக்கு அணிவகுத்து வந்தது.

உலகத்தோட பெரும்பாலான வல்லரசுகள், இந்தியா என்கிற ஒற்றை நாட்டுக்கு எதிரா 'சக்கர வியூகம்' வகுத்து, இந்தியாவை சுத்திவளைச்சு நிற்கிறது.

 அப்போது தான் உலகமே அதிரும்படியாக ஒரு திருப்புமுனை ஏற்பட்டது. அந்த காலகட்டத்தில், அமெரிக்காவை நடுநடுங்க வைத்த சோவியத் யூனியன், வலதுகாலை எடுத்து வைத்து  இந்தியாவுக்கு ஆதரவா போர்களத்தில் களமிறங்கியது. பாகிஸ்தானுக்கு ஆதரவாக நிற்கும்  அத்தனை நாடுகளையும்,  "இந்தியா மீது  துரும்பு பட்டாலும், நேரடியாக உங்கள்  நாடுகளை தாக்குவோம்"ன்னு எச்சரித்தது. கொஞ்சம் துள்ளிப் பார்த்த சீனாவை,  "விலகிக்கோ... இல்லேன்னா உன்னுடைய  'சிங்கியாங்க்'  (சீனாவோட மிகமுக்கியமான ராணுவதளம் உள்ள பகுதி) பகுதிய தவிடு பொடியாக்குவோம்"ன்னு, நேரடியா முறைத்தது. வேறு எந்த நாட்டையும்விட, ரஷ்யாவுடைய ராணுவ பலத்தைப்பத்தி நன்றாக  தெரிந்து வைத்திருக்கும் சீனா, வம்பு வேண்டாம்னு போர்களத்தை விட்டு விலகியது.  

அதுவரைக்கும் தனியாவே போராடிய இந்தியா... சோவியத் துணைக்கு வந்த உற்சாகத்தில் , பாகிஸ்தானோட பல பகுதிகளுக்குள் நேரடியாக புகுந்து  தரை மட்டமாக்கியது. சோவியத் சொன்னது மட்டுமில்லாமல், அதுவரைக்கும் உலகத்துக்கு காட்டாத தன்னோட நவீன போர்விமானங்கள்  விமானம்தாங்கி போர்கப்பல்கள் வங்காள விரிகுடாவில் இயக்கியது. முக்கியமாக... போர் களத்திலிருந்து அமெரிக்கா, பிரிட்டனை பின் வாங்கச்செய்ய, தன்னுடைய அணுநீர்மூழ்கி கப்பல்களை கொண்டுவந்து வங்காள விரிகுடாவில், ஓப்பனாக நிறுத்தியது

இந்தியாவுக்கு ஆதரவாக... வங்காள விரிகுடாவில் அவ்வளவு பெரிய அரணமைத்து நிற்கிற, சோவியத்தோட அணு நீர்மூழ்கிக் கப்பல்களை பார்த்த அமெரிக்க கப்பற்படை மிரண்டது. உடனடியாக பிரிட்டனோட HMS Eagle-ஐ போர் களத்துலிருந்து மடையமாத்தி... மடகாஸ்கருக்கு அனுப்பிட்டாங்க. இப்படியே அமெரிக்கா உட்பட, பாகிஸ்தானுக்கு  ஆதரவான ஒவ்வொரு நாடும் போர் களத்திலிருந்து பின்வாங்கி வெளியேறியது .  பாகிஸ்தானால், தனியாக இந்தியாவை சமாளிக்க முடியாமல்... 13-நாள் போர் முடிவுக்கு வந்து, பாகிஸ்தான் தன் 90 ஆயிரம் ராணுவ வீரர்களோடு, இந்தியாவிடம் சரணடைந்தது. பங்களாதேஷ் என்கிற  தேசம் மலர்ந்தது.
நம்முடைய  மோசமான காலகட்டத்தில், நமக்கு துணையாக நின்ற ஒரேநாடு சோவியத் யூனியன்தான்...