ஆகஸ்ட் 26ல் முழுவதும் டாஸ்மாக் மூடல்: மீறினால் கடும் நடவடிக்கை!

நபிகள் நாயகம் பிறந்த நாளான மீலாது நபி ஆகஸ்ட் 26ஆம் தேதி கொண்டாடப்படுவதையொட்டி, தமிழகம் முழுவதும் அனைத்து டாஸ்மாக் மதுபானக் கடைகள் மற்றும் மதுபானக் கூடங்களும் மூடப்பட உள்ளன. இதனால் நாளை தமிழகம் முழுவதும் மதுபான விற்பனைக்கு தடை விதிக்கப்பட்டுள்ளது.

மீலாது நபியை முன்னிட்டு ஆகஸ்ட் 26ஆம் தேதி அரசு டாஸ்மாக் மதுபான சில்லறை விற்பனை கடைகள், அவற்றுடன் இணைந்த மதுபானக் கூடங்கள் மற்றும் தனியார் மதுபான பார்கள் என அனைத்தும் செயல்படாது. இதேபோல் நட்சத்திர ஓட்டல்களில் இயங்கி வரும் மதுபான பார்களுக்கும் இந்த உத்தரவு பொருந்தும்.

தமிழ்நாடு முழுவதும் குறிப்பிட்ட முக்கிய நாட்களில் டாஸ்மாக் கடைகள் மூடப்படுவது வழக்கம். தேசிய மற்றும் மாநில அளவிலான முக்கிய தினங்கள், பண்டிகைகள் மற்றும் தேர்தல் காலங்களில் மதுபான விற்பனைக்கு தடை விதிக்கப்படுகிறது. அந்த வகையில், மீலாது நபி தினமும் இந்த ஆண்டு மதுபான விற்பனை இல்லாத நாளாக அறிவிக்கப்பட்டுள்ளது.

இதன்படி, ஆகஸ்ட் 26ஆம் தேதி அனைத்து மாவட்டங்களிலும் உள்ள டாஸ்மாக் கடைகள், அரசு மதுபானக் கூடங்கள் மற்றும் தனியார் மதுபானக் கூடங்கள் மூடப்பட்டிருக்க வேண்டும் என அறிவுறுத்தப்பட்டுள்ளது. அன்று எந்தவொரு மதுபான விற்பனையும் நடைபெறக்கூடாது என்றும் அதிகாரிகள் தெரிவித்துள்ளனர்.

மேலும், டாஸ்மாக் கடைகள் மட்டுமின்றி பல்வேறு வகையான உரிமங்களின் கீழ் செயல்படும் தனியார் மதுபானக் கூடங்களும் மூடப்பட வேண்டும். குறிப்பாக நட்சத்திர அந்தஸ்து பெற்ற ஓட்டல்களில் இயங்கும் பார்களும் மதுபான விற்பனையை நிறுத்த வேண்டும்.

அரசின் உத்தரவை மீறி மதுபானங்களை விற்பனை செய்வது கண்டறியப்பட்டால், சம்பந்தப்பட்ட கடை மேற்பார்வையாளர்கள் மற்றும் விற்பனையாளர்கள் மீது குற்றவியல் நடவடிக்கை எடுக்கப்படும் என எச்சரிக்கப்பட்டுள்ளது.

அதேபோல், நட்சத்திர ஓட்டல்கள் உள்ளிட்ட இடங்களில் மதுபான பார்கள் திறக்கப்பட்டிருந்தாலோ அல்லது சட்டவிரோதமாக மதுபான விற்பனை செய்யப்பட்டாலோ, சம்பந்தப்பட்ட உரிமங்கள் தற்காலிகமாக நிறுத்தப்படலாம் அல்லது ரத்து செய்யப்படலாம். உரிமையாளர்கள் மீதும் சட்டரீதியான நடவடிக்கை மேற்கொள்ளப்படும்.

எனவே, ஆகஸ்ட் 26ஆம் தேதி தமிழகம் முழுவதும் டாஸ்மாக் கடைகள், பார்கள் மற்றும் ஓட்டல் மதுபான பார்கள் செயல்படாது என்பதால், மதுபான விற்பனைக்கு முழுமையான தடை அமலில் இருக்கும்.