66 பில்லியன் மரங்கள் நட்டு சீனா சாதனை!

சீனா, வேகமாகப் பரவி வரும் கோபி மற்றும் தக்லமகன் பாலைவனங்களைத் தடுத்து நிறுத்துவதற்காக, 1978ஆம் ஆண்டு முதல் அதன் வடக்கு எல்லையில் 6,600 கோடிக்கும் அதிகமான மரங்களை நட்டுள்ளது. இந்த பிரம்மாண்டமான திட்டம் அதிகாரப்பூர்வமாக முந் வடக்கு பாதுகாப்பு வளைய திட்டம் என்று அழைக்கப்படுகிறது. ஆனால், பெரும்பாலான மக்கள் இதனை பசுமைப் பெருஞ்சுவ என்றே அழைக்கிறார்கள்.

இதன் ஒரு முக்கியப் பகுதியான, சுமார் 3,000 கிலோமீட்டர் நீளமுள்ள பசுமை வேலி 2024ஆம் ஆண்டில் நிறைவடைந்தது. இந்த முழுச் சுவரும் 2050ஆம் ஆண்டிற்குள் 4,500 கிலோமீட்டர் தூரத்தை எட்டும் வகையில் திட்டமிடப்பட்டுள்ளது. இந்தத் தூரம் என்பது நியூயார்க்கில் இருந்து லாஸ் ஏஞ்சல்ஸ் வரை காரில் பயணிப்பதற்குச் சமமானதாகும்.

இதன் முடிவுகள் ஏற்கனவே விஞ்ஞானிகளை ஆச்சரியத்தில் ஆழ்த்தியுள்ளன. 2026ஆம் ஆண்டு மேற்கொள்ளப்பட்ட செயற்கைக்கோள் ஆய்வு ஒன்றின்படி, இந்தப் புதிய காட்டு வளையம், பாலைவனம் வெளியிடும் கார்பனை விட அதிகளவிலான கார்பனை உறிஞ்சி, ஒரு கால தரிசு நிலமாக இருந்த பகுதியை, தற்போது கார்பனைச் சேமிக்கும் ஒரு பெரும் காடாக மாற்றியுள்ளது என்பது தெரியவந்துள்ளது.

பாலைவனத்தின் எல்லையில் வாழும் குடும்பங்களுக்கு, மணல் புயல்களின் எண்ணிக்கை குறைந்துள்ளதால், அவர்களின் வீடுகள் பாதுகாப்பானதாகவும், குழந்தைகளின் ஆரோக்கியத்திற்கு உகந்ததாகவும் மாறியுள்ளதோடு, பயிர்களும் செழிப்பாக வளரத் தொடங்கியுள்ளன. இந்தப் பசுமைச் சுவரை முழுமையாகக் கட்டி முடிக்க, சீனா இன்னும் 3,400 கோடி மரங்களை நடுவதற்குத் திட்டமிட்டுள்ளது.