தட்டச்சு, சுருக்கெழுத்து தேர்வுக்கு விண்னப்பிப்பது எப்படி?

தட்டச்சு, சுருக்கெழுத்து, கணக்கியல் மற்றும் அரசு கணினி சான்றிதழ் ஆகிய பிப்ரவரி 2026 தொழில்நுட்பத் தேர்வுகளுக்கான (GTE And COA February 2026) அறிவிப்பை தொழில்நுட்ப கல்வி இயக்குநரகம் வெளியிட்டுள்ளது.

புதிய பாடத்தில் கணினி வழியில் மற்றும் பாரம்பரிய முறையிலும் பிப்ரவரி மாதம் இத்தேர்வுகள் நடைபெறவுள்ளது. இத்தேர்வுகளை எழுதி சான்றிதழ் பெற விரும்புகிறவர்கள் https://tndtegteonline.in/ என்ற இணையதளத்தில் வழியாக விண்ணப்பிக்க அறிவுறுத்தப்படுகிறார்கள்.

இத்தேர்வுகளை எழுத உள்ளவர்கள் இன்று (டிசம்பர் 30) முதல் விண்ணப்பிக்கலாம்.

தொழில்நுப்டத் தேர்வுகள், பிப்ரவரி 2026 (TN GTE 2026)
தட்டச்சு, சுருக்கெழுத்து மற்றும் கணக்கியல் ஆகியவற்றில் அரசு சான்றிதழ் பெற அரசு தொழில்நுட்பத் தேர்வுகள் (GTE) நடத்தப்படுகிறது. அரசு கணினி சான்றிதழ் தேர்வாக லுவலக ஆட்டோமேஷனில் கணினி தேர்வு (COA) நடத்தப்படுகிறது. இத்தேர்வுகள் தமிழ்நாடு அரசின் தொழில்நுப்டக் கல்வி இயக்குநரத்தின் மூலம் நடத்தப்பட்டு, சான்றிதழ் வழங்கப்படும். இந்த சான்றிதழ்களின் மூலம் அரசு துறைகளில் இருக்கும் பணி வாய்ப்புகளுக்கு விண்ணப்பிக்கலாம். குறிப்பாக டிஎன்பிஎஸ்சி குரூப் 4 மூலம் நிரப்பப்படும், தட்டச்சர், சுருக்கெழுத்தர் ஆகிய பதவிகளுக்கு விண்ணப்பிக்கலாம்.

2026-ம் ஆண்டி பிப்ரவரி மாதம் இத்தேர்வுகள் நடத்தப்பட உள்ளது. தேர்வு தேதி, முடிவுகள் வெளியீடு மற்றும் சான்றிதழ் வெளியீடு ஆகிய தேதிகளை வெளியிடப்பட்டுள்ளது.

தேர்வு முறை
இந்தாண்டு புதிய பாடத்திட்டத்தின் அடிப்படையில் தேர்வு நடைபெறும். தட்டச்சு, சுருக்கெழுத்து மற்றும் கணக்கியல் ஆகிய தேர்வுகள் மற்றும் கணினி சான்றிதழ் தேர்வு பாரம்பரிய முறையிலும், கணினி வழியிலும் நடைபெறும். கணினி சான்றிதழுக்கான தேர்வை வீட்டில் இருந்தப்படியும் எழுதலாம்.

தேர்விற்கான தகுதிகள் என்ன?
கணினி சான்றிதழ் தேர்விற்கு 10-ம் வகுப்பில் தேர்ச்சி பெற்றிருக்க வேண்டும்.
தட்டச்சு பொறுத்தவரை, ஜூனியர், சீனியர் என நடைபெறும். ஜூனியர் தகுதிப் பெற 8ஆம் வகுப்பு தேர்ச்சி பெற்றிருக்க வேண்டும். சீனியர் தேர்வை எழுத ஜூனியர் தகுதிப் பெற்றிருக்க வேண்டும்.

சுருக்கெழுத்து தேர்விற்கு ஆங்கில மொழியில் ஜூனியர், இடைநிலை, சீனியர் என மூன்று நிலை இருக்கும். ஜூனியர் தேர்விற்கு 10-ம் வகுப்பு தேர்ச்சி பெற்றிருக்க வேண்டும். தமிழ் மொழிக்கு ஜூனியர், சீனியர் என இடம்பெற்று இருக்கும். இதில் ஜூனியர் தேர்வை எழுத 10-ம் வகுப்பு தகுதிப் பெற்றிருக்க வேண்டும்.
சீனியர் தேர்வை எழுத ஜூனியர் தேர்வில் தேர்ச்சி பெற்றிருக்க வேண்டும்.

சீனியர் தகுதித் தேர்வை தேர்ச்சி பெற்றவர்கள் அதிவேக தட்டச்சு மற்றும் சுருக்கெழுத்துத் தேர்விற்கு விண்ணப்பிக்கலாம்.
கணக்கியல் தேர்வும் ஜூனியர், சீனியர் என நடைபெறும். 12-ம் வகுபு முடித்தவர்கள் ஜூனியர் தேர்வை எழுதலாம். 12-ம் வகுப்பு முடித்தவர்கள் சீனியர் தேர்வை எழுதலாம்.

விண்ணப்பிப்பது எப்படி?
இத்தேர்வுகளுக்கு https://tndtegteonline.in/ என்ற ஆன்லைன் இணையதளம் வழியாக விண்ணப்பிக்க வேண்டும். தேர்வர்கள் ஒரு முறை பதிவு செய்து பின்னர் விண்ணப்பிக்க அறிவுறுத்தப்படுகிறார்கள். தேர்வு கட்டணத்தை செலுத்தி விண்ணப்பத்தை நிறைவு செய்யவும்.

முக்கிய நாட்கள்
விண்ணப்பம் தொடக்கம் 30.12.2025
விண்ணப்பிக்க கடைசி நாள் 19.01.2026
சுருக்கெழுத்து தேர்வு 07.02.2026 - 08.02.2026
கணக்கியல் தேர்வு 09.02.2026
தட்டச்சு தேர்வு 14.02.2026 - 15.02.2026
கணினி வழி தட்டச்சு, சுருக்கெழுத்து (Remote) 23.02.2026 - 20.04.2026
கணினி வழி தட்டச்சு, சுருக்கெழுத்து 21.04.2026 முதல்
முடிவுகள் வெளியீடு (உத்தேசம்) ஏப்ரல் 30 மற்றும் மே 20-ம் தேதி வெளியிடப்படும்.

தேர்ச்சி பெற்றவர்களுக்கு டிஜிட்டல் சான்றிதழ் 27.05.2026 முதல்
அரசு கணினி சான்றிதழ் மற்றும் தொழில்நுட்பத் தேர்வுகளுக்கு உரிய இணையதளத்தில் ஜனவரி 19-ம் தேட்திக்குள் விண்ணப்பிக்க அறிவுறுத்தப்படுகிறார்கள்.